Երևանում տեղի կունենա ՀԱՊԿ կանոնադրական մարմինների համատեղ նիստ

13 հոկտեմբերի, 2016

Հոկտեմբերի 14-ին Երևանում կայանալիք Հավաքական անվտանգության խորհրդին ընդառաջ Հայաստանի արտաքին գործերի նախարարությունում կկայանա Հավաքական անվտանգության պայմանագրի կազմակերպության արտգործնախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստը:

Նիստը կմեկնարկի նեղ կազմով, ապա կշարունակվի պատվիրակությունների մասնակցությամբ:

Հանդիպմանը նախատեսված է փաստաթղթերի ստորագրում:

ՏԵԽՆԻԿԱԿԱՆ ՄԱՆՐԱՄԱՍՆԵՐ ՀԱՎԱՏԱՐՄԱԳՐՎՈՂ ԼՐԱԳՐՈՂՆԵՐԻ ՀԱՄԱՐ

ՀԱՊԿ կանոնադրական մարմինների՝ նեղ կազմով համատեղ նիստը կկայանա հոկտեմբերի 14-ին, ժամը՝ 9:30 (մուտքը՝ միայն լուսանկարիչներ):

Նիստը ժամը 10:20 կշարունակվի պատվիրակությունների մասնակցությամբ (մուտքը՝ լուսանկարիչներ և օպերատորներ):

Նիստին կհաջորդի փաստաթղթերի ստորագրման արարողություն (մուտքը՝ լուսանկարիչներ և օպերատորներ):

Ժամը 9:00-ից Հայաստանի արտաքին գործերի նախարարը, պաշտպանության նախարարը և անվտանգության խորհրդի քարտուղարը կդիմավորեն նիստին մասնակցող պատվիրակությունների ղեկավարներին: Ժամը 9:15 նախատեսված է ՀԱՊԿ անդամ պետությունների արտգործնախարարների, պաշտպանության նախարարների, անվտանգության խորհուրդների քարտուղարների համատեղ լուսանկարում (մուտքը՝ լուսանկարիչներ և օպերատորներ):

Բոլոր միջոցառումները տեղի կունենան Հայաստանի արտաքին գործերի նախարարությունում: Խնդրում ենք յուրաքանչյուր միջոցառման դեպքում ԱԳՆ մոտենալ առնվազն 30 (երեսուն) րոպե առաջ:

Օպերատորներն ու լուսանկարիչները հրավիրվում են արարողակարգային նկարահանման համար հավատարմագրվելու ԱԳՆ մամուլի, տեղեկատվության և հասարակայնության հետ կապի վարչությունում մինչև հոկտեմբերի 13-ը, ժամը՝ 23:55:

Խնդրում ենք հավատարմագրումը կատարել հետևյալ էլեկտրոնային փոստի միջոցով` press@mfa.am՝ նշելով օպերատորի և լուսանկարչի անուններն ու լրատվամիջոցը: Հնարավոր հարցերի դեպքում խնդրում ենք կապ հաստատել a.baldryan@mfa.am էլ-փոստի հասցեով կամ զանգահարել +374 60 620 214 (Աստղիկ Բալդրյան):

Միջոցառման լուսաբանմանը կարող են մասնակցել ԶԼՄ միայն այն ներկայացուցիչները, ովքեր ունեն ԱԳՆ 2016թ. հավատարմաքարտ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր